सामान्य काळातील बारावा रविवार
दिनांक: २५/०६/२०२३
पहिले वाचन: यिर्मया २०:१०-१३
दुसरे वाचन: रोमकरांस पत्र ५:१२-१५
शुभवर्तमान: मत्तय १०: २६-३३
प्रस्तावना:
प्रिय भाविकानो आज देऊळ माता
सामान्य काळातील बारावा रविवार साजरा करत आहे, आणि आजच्या दिवसाची उपासना आपल्याला
निर्भयपणे येशू ख्रिस्ताची सुवार्ता सर्व जगभर पसरविण्यास आव्हानात्म्क आमंत्रण
करत आहे. आज येशू खिस्त आपणा सर्वाना त्याच्या वचनावर विश्वास ठेवून तीच वचने
आपल्या विरोधकाला, छळाला किवा मरणाला ण घाबरता सर्व लोकांजवळ पोहचवण्यास व येशू
ख्रिस्ताच्या तारणदायी कार्याचे साक्षी होण्यास व परमेश्वराच्या कृपेने येशू
ख्रिस्ताला सर्वांसमोर आपला प्रभू म्हणून स्वीकारण्यास आमंत्रण करीत आहे.
मनन चिंतन:
“परमेश्वर मेंढपाळ माझा, मजला कसली भीती
दिवसरात्र माझ्या सांगाती, मजवर त्याची प्रीती". Ps २३
आज देऊळ माता सामान्य काळातील बारावा रविवार साजरा करत आहे आणि आजच्या दिवसाची
उपासना आपणा प्रत्येकाला एकच संदेश देते कि “ भिऊ नका” कारण परमेश्वर आपल्या बरोबर
आहे भीती! भीती म्हणजे काय? जर मानशास्त्राच्या व्याख्यानातून सागांयचे झाले तर
भीती हा एक फोबिया आहे. फोबिया म्हणजे एक
मानसिक आजार ज्या मध्ये एखाद्या व्यक्तीला, एका वस्तू बद्दल, एका प्रसंगाबद्दल, एका
व्यक्तीबद्दल किवा एखाद्या उंच ठिकाणाबद्दल, अचानक भीती वाटणे, आणि अशा ह्या भीती
पोटी त्य्हा व्यक्तीचे प्राण सुद्धा धोक्यात असतात.
भीती हि आपणा प्रत्येकाच्या जीवनातील एक अविभाज्य भाग आहे. आपण प्रत्येक जण
आपल्या जीवनात कोणत्या नी कोणत्या गोष्टी बद्दल भीती बाळगत असतो, उदा: अपयशाबद्दलची
भीती, हिंसेबद्दलची भीती वाढत्या दहशतवादाबद्दलची
भीती तसेच धार्मिक असहिष्णूतेबद्दलची भीती,
भीती बद्दल बोलत असताना, पोप फ्रान्सिस आपल्या अशाच एका मुलाखातीत सांगतात कि,
भीती हि काही माझ्यापासून लांब नाही. भीती
ह्या भावनेच माझ्या जीवनात एक जवळच नात आहे. भीती हे आपल्या जीवनात एक पूर्वसंकेता
प्रमाणे कार्य करते. कधी तर भीती हि समोर येणाऱ्या प्रत्येक आव्ह्नाबद्दल आपल्याला
सावध करते. कधी तर भीती ही आपल्याला समजूतदारपणाच्या क्षमतेची सोबती असू शकते.
ज्यामुळे आपल्याला भविष्यात अपेक्षित असलेल्या गोष्टी पाहण्यास मदत होते. परंतु
पोप फ्रान्सिस पुढे आपल्या मुलाखती सांगतात कि “भीती तर कधी एखाद्याला कोंडून घेवू
शकते किंवा अपंग करू शकते. अमर्यादित भीतीची वृत्ती एखाद्या व्यक्तीला अशाप्रकारे
गुलाम बनवून सोडते कि ती व्यक्ती आपल्या जींवनात भीती पोटी काहीही करू शकत नाही.
म्हणून पोप फ्रान्सिस सांगतात कि, अमार्यादित भीती हि ख्रिस्ती वृत्ती नाही कारण
ती एखाद्याला फक्त स्वतापासून किवा स्व:त बद्दल विचार करायला भाग पाडते.एखाद्याच्या
जीवनात काहीतरी चागलं कण्याची क्षमता त्या व्यक्तीकडून हिरावून घेते.
आजची उपासना आपणा प्रत्येकाला अमर्यादित भीती नाही तर “प्रार्थनामय भीती”
अंगीकारण्यास आव्हान करीत आहे. कारण जेव्हा आपण प्रार्थनांमय भीती अगीकारतो तेव्हा
आपण कशाचे गुलाम नाही. तर परमेश्वराच्या कृपेने एक स्वातंत्र्यच जीवन जगतो, नितीसुत्रे
९:१० मध्ये सांगितल्या प्रमाणे “परमेश्वराचे भय
हा ज्ञानाचा आरंभ होय.” आणि नितीसुत्रे १९:२३ मध्ये आपणास सांगण्यात येते की,
“परमेश्वराचे भय जीवन प्राप्तीचा मार्ग होय,
आणि जो कोणी ते धरितो तो सुखाने नांदतो , आणि त्याचे कधी वाईट होत नाही”. म्हणूनच आज खुद्द येशू
ख्रिस्त आपल्या प्रत्येकाला आजच्या शुभवर्तमानातून उपदेशून सागतो कि “जे शरीराच
घात करतात त्यांना भिऊ नका.” तर आत्मा आणि शरीर ह्या दोघाचा नरकात नाश करण्यास जो समर्थ
आहे त्याला भ्या.
आजच्या पहिल्या वाचनात यिर्मया संदेष्टा आपल्या जीवनात देवाची सुवार्ता पसरवित
असताना आलेल्या कठीण व खडतर परिस्थिती बद्दल व आपल्या विरोधकाबद्दल तक्रार करीत
असताना आपली फिर्याद सादर करीत म्हणतो कि हे सेनादिश परमेश्वरा तू माझा छळ
करणार्याचा सूड घेशील तो मला पाहू दे. अशा ह्या फिर्यादीवरून यिर्मया संदेष्ट्याचा
जीवनात देवावरील असलेला विश्वास आणि देवाची सुवार्ता निर्भितपणे सर्व जगभर
पसरविण्याची तयारी दिसून येते.
आजच्या दुसऱ्या वाचनात संत पौल
आपल्याला आदामाच्या आज्ञा उलंघणामुळे जगात पापाचा संचार होवून मनुष्याचा मरणा
बद्दल सागतो कि, आदामापासून मोशेपर्यत
मरणाने राज्य केले. परंतु एका मनुष्याचा म्हणजेच येशू ख्रिस्ताच्या आगमनाने व
त्याच्या बलिदानाने सर्वाना अनंत जीवनाचे व कृपेचे दान भरभरून मिळाले.
तर आजच्या शुभवर्तमानात येशू
ख्रिस्त आपल्या बारा शिष्यांना प्रोस्तान देत सांगतो कि, भिवू नका माझी वचने जी मी
तुम्हाला सागितली आहेत ती सर्व जगापुढे सादर करत असता, तुम्हाला पुष्कळ अशा
विरोधाना, छळाला सामोरे जावे लागेल. परंतु प्रभू येशू ख्रिस्त सांगतो कि ह्यास
सर्वाना तुम्ही भिवू नका. तुम्ही प्रत्येक जण माझ्या करिता मौल्यवान आहात, परंतु जो
कोणी मला माणसासमोर पत्करील मीही त्याला माझ्या स्वर्गीय पित्यासमोर पत्करीन
परन्तु जो कोणी माझ्यासमोर मला नाकारील मीही त्याला आपल्या स्वर्गीय पित्यासमोर
नाकारीन.
आज येशुख्रिस्त आपणा प्रत्येकाला
आपल्या दैनंदिन जीवनात त्याची सुवार्ता निडरपणे सर्व जगभर, पसरविण्यात आव्हान करीत
आहे. नुकताच आम्ही अनुभवलेल्या मणिपूर मधील धार्मिक असहिष्णूतेबद्दल साक्षी आहोत. ज्या प्रकारे आपले ख्रिस्ती लोकं आज ह्या छळाला आणि मारहाणीला
जरी सामोरे गेले असले तरी त्याच्यातील जी श्रद्धा आहे, देवावरचा त्याचा जो विश्वास
आहे तो आज वाढलेला आहे. आज खऱ्या अर्थाने त्याच्या विश्वासाला कलाटणी आलेली आहे. कारण
ज्या अर्थी ते ह्या छळ प्रकरणाला किवा विरीधाला न घाबरता खंबीर पने आपण ख्रिस्ती व
येशू ख्रिस्ताचे अनुयायी असल्या साक्ष दिली त्या अर्थी त्याचा देवावरचा विश्वास सुद्धा
भक्कम झाला आहे.
आज खऱ्या अर्थाने येशू खिस्ताच्या
वाचनाची पूर्णता मणिपूर मधील ह्या ख्रिस्ती पिडीतामध्ये झाली आहे. कारण आज आपल्या
ह्या बांधवानी आपल्या जीवाची परवा न कर्ता आपला विश्वास जपण्यास जो त्याग केलेला
आहे त्या त्यागाची कीर्ती आज सर्व जगभर पसरत आहे. म्हणून येशू ख्रीसाचे वचन आपणास
सागते कि “ जो कोणी माझ्यासमोर मला पत्करील ,मीही त्याला आपल्या स्वर्गीय
पित्यासमोर पत्करीन.
ह्याच वचनावर विश्वास ठेवून आपण सुद्धा आपल्या मणिपुरमधील बांधवाप्रमाणे धार्मिक
असहिष्णूतेला, छळाला, विरोधांना घाबरता येशू ख्रिस्ताची सुवार्ता सर्व जगभर पसरविण्यास
तत्पर राहावे म्हणून आपण आपल्या सेनाधिश परमेश्वराकडे प्रार्थना करूया.
विश्वासू लोकांच्या प्रार्थना
प्रतिसाद: हे प्रभू, आम्हला
धैर्य दे.
१. पवित्र देऊळमातेचे सेवक पोप फ्रान्सिस, सर्व
महागुरू, धर्मगुरू, धर्मबंधू, धर्म-भगिनी, धर्म-शिक्षक
व सर्व ख्रिस्ती प्रापंचिक ह्यांच्याद्वारे तुझी व तुझ्या प्रजेची सेवा करण्यास
आणि प्रत्येक कठीण परीस्थितीत तू आम्हा बरोबर आहेस ही जाणीव करून देण्यास लागणारी
कृपा त्यांस मिळावी म्हणून आपण प्रार्थना करूया.
२. आपल्या देशाचा कारभार सांभाळण्यासाठी जे राज्यकर्ते
नेमले गेले आहेत, विशेषकरून आपले राष्ट्रपती, पंतप्रधान, मंत्रीमंडळ
व इतर अधिकारी यांनी भारताच्या संविधानातील नियम पाळून देशाचा कारभार चालवावा व
निःस्वार्थीपणे देशाची सेवा करावी तसेच नागरिकांच्या मनात भीतीचे वातावरण नव्हे, तर आशेचे
आणि आपलेपणाची भावना उत्पन्न करावयास ते सतत कार्यरत राहण्यास त्यांना आशीर्वादाने
भर म्हणून आपण प्रार्थना करूया.
३. पवित्र शास्त्राला अनुसरून देऊळमातेच्या शिकवणीप्रमाणे
आम्ही खरे ख्रिस्ती जीवन जगावे. आई-वडिलांचा सन्मान, आजारी
भाऊ-बहिणींची सेवा, शेजारप्रीती, रंजल्या गांजल्यांना मदत अशी
सेवादायी कृत्ये आपल्या हातून घडावीत म्हणून आपण प्रार्थना करूया.
४. ह्या वर्षी चांगला पाऊस व्हावा व परमेश्वराने आपल्याला
अतिवर्षण व दुष्काळापासून मुक्त करावे म्हणून आपण प्रार्थना करु या.
६. थोडा वेळ शांत राहून आपल्या वैयक्तिक व सामाजिक गरजा
प्रभूसमोर ठेवूया.
No comments:
Post a Comment