Reflection for the Feast of St Francis of Assisi (04/10/2022) By Bro. Elias Itur.

संत फ्रान्सिस असिसिकर ह्यांचा सण

दिनांक: ०४ /१० /२०२२

पहिले वाचन: बेनसिरा ५०: १,३-४,६-७

दुसरे वाचन: गलतीकारास पत्र -६:१४-१८

शुभवर्तमान: मत्तय ११:२५-३०

प्रस्तावना:

    आजची उपासना आपल्याला देवा विषयी लक्षपूर्वक ऐकणे व "आपल्या हृदयाच्या कानाने ऐकणे" ह्यासाठी पाचारण करीत आहे. आज सर्व जगभर फ्रान्सिकन कुटुंब त्यांचा संस्थापक फ्रान्सिक ह्यांचा सण साजरा करीत आहे. संत फ्रान्सिस हे प्रामाणिक आणि देवाचे वचन ऐकणारे साधारण शिष्य होते. ते देवाच्या पावलावर पाय टाकून चालले. आजच्या पहिल्या वाचनात आपण एकतो की, आपण किती दूर गेलो येशू ख्रिस्तापासून तरी तो आपल्या बरोबर सदासर्वकाळ असतो. तसेच आजचे शुभवर्तमान आपल्या सर्वांना देवाचे वचन ऐकण्यास पाचारण करीत आहे. मेरीने चांगला भाग निवडून देवाचे वचन एकेत होती परंतु मार्था तिच्या कामात व्यस्त होती. तेव्हा आज प्रभू येशू ख्रिस्त आपल्या सर्वना देवाचे वचन म्हणजे (word of God) ह्यावार मनन चिंतन करण्यात बोलावत आहे.

बोधकथा

असिसीकर संत फ्रांसिस ह्याचा जन्म ११८१ साली झाला. तरूण असताना तो फार उधळ्या माणसासारखा वागला. कारण तो राजघराण्यात जन्मला होता. पण त्यानंतर येशूची कृपा त्याच्यावर झाली आणि त्याने आपला वारसा सोडून दिला. येशूच्या शुभवर्तमानातली गरीबी त्याने स्वीकारली आणि तो खिस्ती वैराग्याचे जीवन जगू लागला. तो प्राणी मात्रांचा मित्र बनला. असीसीचा फ्रांसिस पूर्णपणे आध्यत्मिक बनला होता. तो व्रतस्थ जीवन जगला व तो शब्दांपेक्षा प्रत्यक्ष कृतीने प्रवचन दयायला लागला. एकदा तो हाताखालच्या सहकारी बंधुंना म्हणाला, आज आपण दिवसभर गावागावात फिरू आणि लोकांना प्रवचन देऊ. दिवसभराची सामग्री व शिदोरी घेऊन फ्रांसिस व त्यांचे सवंगडी पायीपायीच निघाले. वाटेमध्ये एक विधवा रडतरडत शोक करताना त्यांना सापडली. दोनच दिवसांपूर्वी तिचा एकुलता मुलगा मरण पावला होता. सर्वजण तेथे थांबले. तिच्याशी सांत्वनपर बोलले. तिचं दुःख हलकं केलं. मुलाच्या आत्म्यासाठी प्रार्थना केली. फ्रांसिसने तिला काही पैसे दिले आणि तिचा निरोप घेऊन ते पुढे वाटचाल करू लागले. अर्धा मैलभर पुढे गेल्यावर त्यांना एक म्हातारा भिकारी थंडीमध्ये कुडकडत शिक्षा मागताना दिसला. सर्वजण त्याच्यापाशी थांबले. त्याची विचारपूस केली. फ्रांसिसने अंगावरचं कपडे  काढून त्याच्या अंगात घातलं आणि त्याच्या पिशवीत काही बिस्कीटं आणि पाव घालून ते पुढे चालत राहिले.

    दुपारचा एक वाजला होता. फ्रांसिस साथीदारांना म्हणाला आता आपण आपल्या घरी परतु या. ते सर्व एकत्र म्हणाले, 'तुम्हाला लोकांना प्रवचन दयायचं होतं त्याचं काय ?' फ्रांसिस म्हणाला, 'वेड्यांनो, प्रवचन फक्त शब्दाने नव्हे तर प्रत्यक्ष कृतीने सुद्धा देता येते. आपण सर्वांनी सकाळपासून ज्या चार प्रत्यक्ष कृती केल्या आहेत त्या सर्वात मोठं प्रवचन दुसरं कोणतं असू शकते ! येशूचं शुभवर्तमान जे शिकवते तेच आपण आज केला नाही काय ? जे जे काही बरं वाईट तुम्ही माझ्या ह्या जगातील कनिष्ठ बंधु-भगिनींसाठी कराल, ते तुम्ही मलाच कराल.

    खिस्ताठायी माझ्या बंधुनो आपल्याला ठाऊक आहे की सध्याच्या ख्रिस्तसभेचे सर्वच महागुरू आपल्या धर्मगुरूना सांगतात की त्यांनी अधूनमधून सर्व लोकांना प्रत्यक्ष घरी जाऊन त्यांना भेटी द्याव्यात आणि त्यांच्या गरजा, समस्या जाणून घ्याव्यात. धर्मगुरू जेव्हा अशाप्रकारे भेटी देतात, तेव्हा लोकाची धावपळ होऊन तारांबळ उडते त्यांचा पाहुणचार करण्याकरता. ते घरात चुलीपुढे धावतात त्यांच्यासाठी चहा- कॉफी किंवा थंड पेय आणण्यासाठी व त्यांना काही खायला देण्यासाठी. मग भेट दयायला आलेले धर्मगुरू बराच वेळ एकटे बसलेले असतात. वास्तविक धर्मगुरू आलेले असतात संवाद साधण्यासाठी, चौकशी करण्यासाठी, अडचणी, समस्या जाणून घेण्यासाठी किंवा मार्गदर्शन करण्यासाठी. परंतु बऱ्याचदा असा उदात्त हेतु बाजूला राहतो व चहापाण्याला व पाहुणचाराला जास्त प्राधान्य दिलं जाते. वाचनात आपल्या दारी आलेल्या पाहुण्यांचे स्वागत कसे करावे ह्याचे प्रबोधन करण्यात आले आहे. शुभवर्तमानात आपण पाहातो की येशू मार्था आणि मेरी ह्यांच्या घरी जायचा. दोघीही त्याचं स्वागत करतात व मेरी त्याच्या पायांसी बसून त्याचे दिव्य शब्द ऐकत बसायची. त्याला काही प्रश्न विचारून आपल्या शंकांचं ती निरसन करून दयायची. तर मार्था ख्रिस्त आपल्या घरी आल्याबद्दल त्याला चांगलं जेवण तयार करायला गुंतायची. ते करताना तिची एकटीची तारांबळ उडायची. ती येशूकडे येऊन तक्रारही करायची. मी तुला जेवण तयार करणार आहे परंतु कामाचा भार माझ्या एकटीवर आहे म्हणून माझ्या बहिणीला मला मदत करायला सांग. तेव्हा येशू तिला म्हणतो मार्था, मार्था, मी केवल खाण्यापिण्यासाठी आलेलो नाही. मी तुमच्याशी बोलायला आलोय. येशूला स्पष्टपणे सांगायचंय की तुम्ही कोणत्या भेटीला किती प्राधान्य देता हे महत्वाचं आहे. मरीयेला आत्मिक भूक होती. ती प्रभूचे ऐकण्यास व त्याची महानता ओळखण्यास उत्सुक होती. यापासून तो तिला दूर करणार नव्हता. तिने आपली आत्मिक गरज ओळखली होती. प्रभूचे भाषण ऐकून तिचे अंत:करण प्रफुल्लित झाले. तिने चांगला वाटा निवडला होता. अशासप्रकारे संत फ्रान्सिस ने त्याच्या जीवनात चांगला वाटा निवडून, तो येशूचा साथीदार बनला. तो प्रभूच्या शब्दाप्रमाणे वागला आणि दुसयाना पण शिकवण दिली. त्याने त्याचे अंतकरण प्रभूसाठी आणि दुसऱ्यानसाठी अर्पण केले.

जेव्हा प्रभूचा प्रश्न येतो, तेव्हा आपण त्याच्यासाठी काहीही तयार करण्यात जास्त काळजी करू नये. तयारी आवश्यक आहे फक्त तुमची उपस्थिती आणि अध्यात्मिक उपस्थिती कारण अशा प्रकारे परमेश्वर तुमच्यावर आधीच संतुष्ट आहे. तुम्हाला फारशी तयारी करण्याची गरज नाही किंवा परमेश्वराच्या आगमनासाठी ते भव्य असण्याची गरज नाही कारण तो साधा आहे आणि तो आधीच आनंदी/समाधानी असेल. तुम्हाला फक्त प्राधान्य द्यायचे आहे किंवा महत्त्वाच्या गोष्टींवर लक्ष केंद्रित करायचे आहे किंवा इतर कोणत्याही गोष्टीपेक्षा कोणते चांगले आहे आणि तो परमेश्वर आहे. तोच आपल्या चिंता कमी करणारा असेल, म्हणूनच आपण प्रभूशिवाय इतर कशातही गुंतून राहू नये कारण तो नेहमी आपल्यासाठी प्रथम येतो.

विनंत्या

प्रतिसाद:  हे प्रभू, तुझ्या लोकांची प्रार्थना ऐक.

१) ख्रिस्तसभेचा कारभार पाहणारे पोप, कार्डीनल्स, बिशप्स, धर्मगुरू- धर्मभगिनी व व्रतस्त लोकांना पवित्र आत्म्याची प्रेरणा मिळावी व ख्रिस्तासारखे जीवना जगून त्यांनी जगाला ख्रिस्ताकडे आणावे म्हणून आपण प्रार्थना करूया.

२) सर्व फ्रान्सिसकन बंधू भगिनींनी देवाच्या कार्यासाठी व त्याच्या गौरवासाठी अविरत झटत राहावे, असिसीकर संत फ्रान्सिसद्वारे त्यांनी जगाला प्रेमाचा, शांतीचा व बंधुत्वाचा संदेश द्यावा म्हणून आपण प्रार्थना करूया.

३) पर्यावारण व मानव ह्यात नात अतूट आहे परंतु स्वार्थासाठी पर्यावरणाची ऱ्हास होत आहे. ह्या पर्यावरणाची जोपासना करण्यासाठी व तिचे रक्षण करण्यासाठी अधिकाधिक लोकांनी व नेत्यांनी पुढाकार घ्यावा म्हणून आपण प्रार्थना करूया.

४) जे लोक आजारी आहेत थकलेले, उदासीन आहेत अशाना परमेश्वराने सत्कार्य लाभावे व पवित्र आत्म्याच्या प्रेरणेने ते लवकरात लवकर बरे व्हावे म्हणून आपण प्रार्थना करूया.

५) शेतकरी व मासेमारी बंधू-भांगिनीसाठी त्यांच्या ह्या काळात परमेश्वराने रक्षण करावे व त्यांना त्याच्या कामात भरपूर यश मिळावे म्हणून आपण प्रार्थना करूया.

६) थोडा वेळ शांत राहून आपल्या व्यक्तिक गरजासाठी प्रार्थना करूया.